Še mantra v celoti: "Draga Samanta Fox, 33 lita mantran 'U ime oca, sina, duha, malvazije, Samante Fox i Lige za boj protiv turizma'. Draga moja drugarice, bila si argument moje mantre, i još si. I nidan nikad ni nanke pita zašto ona. Popušili su te jednoumno. Ovo je 92. ploča ku delan, i ti se škuživan ča san se tek sad domislija na te. Viš', pazi: u moje stihoklepacije su rivale stati stoljeća bez problema, bog, vrag sveto trojstvo, inkvizicija, popi i njihove žrtve, pape i Vatikan, kapitalizam, komunizam, samoupravni socijalizam, fašizam, politika, političari, zvezde i luzeri, pička mi materina i otac, doktor Freud, doktor Predrag, pak medicinske sestre Ružica i Marija ki je kantadurka… roženice, ulike, brajde, malvazija… dinosauri, merlot, Hrvatica i Hrvati, Srbi, Bosanci, Slovenci, Makedonci, sva europska govna, brodi, jahte, "Istra Berge", Uljanik, uljanikovci, Uljanik densing, Austro-ugarska monarhija, car Franjo Josip, drug Tito, Franjo Tuđman i stoka sitnog zuba… govno, zlato, olovo… revolucioni, bedare, veliki šoldi, vizije, boške, boškarini, trovatori, provokatori, Prvomajski juriš, križni puti… i još čuda, čuda, čuda tega. I sad ti se skuživan zaradi tega. I se šenjivan z rešpeton. I još jedanput se skuživan za to ča nis nikako riva zrivati u moje stihe (male stihe, budalo, male) tvoje velike sise"!